जागा मिळेल तिथे
खुपसून, खचाटून
दिवाळी अंक, मासिकं, पुस्तकं
जुनी, नवी, फाटकी, पिवळी पडलेली, चकचकीत
शुभ्र कोवळी
धूळ खात.
सिरियली. सिनेमे
अमेरिकन. ब्रिटीश. युरोपीय. आशियाई
काळे न्वार
रंगीत सदाबहार.
टॉरेन्टांवर, लॅपटॉपवर, फोनवर, स्ट्रीमिंग प्लॅटफॉर्मांवर
शेअर इट मॅन.
गाण्यांची लयलूट
ऑनलाईन ऐका, उतरवा, यूट्यूबवरचा खच उपसा.
मुलाखती. वेबिनारं. भाषणं. वाद. परिसंवाद.
जागा मिळेल तिथे सगळीभर.
एकदा नीट आवरून ठेवायला हवंय सगळं.
नीट सापडेलसं कुठेतरी.
मग काही बघावाचाऐकायचं नाही.
विनागिल्ट नांदेल शांतता.